Back ماريان Arabic Marianne AST Marianna Azerbaijani Marianne Catalan Marianne Czech Marianne German Μαριάν Greek Marianne English Marianne Esperanto Marianne Spanish

Marianne (skeudenn)

Ar Frankiz o sturiañ ar bobl, livet gant Eugène Delacroix. Daoust da anv al livadur ez eur kustum da welout Marianna amañ. Abalamour d'an daolenn-se e vez techet an dud da veskañ ar Frankiz ha Marianna.
Marianne a-drek Gérard Schivardi, maer Mailhac, bet war ar renk evit bout prezidant ar Republik c'hall e 2007
Ar banniel LGBT gall
  • Diwar-benn ar skeudenn vojennel c'hall eo ar pennad-mañ. Evit anv anv-badez Marianne sellout ouzh Marianne.

Marianne zo un anv-badez gallek, deuet diwar stagañ an anvioù gallek Marie hag Anne. Marie-Anne a gaver ivez alies. Ar re-se a oa daou anv boutin a-walc'h e-touesk ar merc'hed en XVIIIvet kantved, daou anv katolik, hini ar Werc'hez Vari hag he mamm, ha daou anv roueel dre ma oant bet anvioù meur a rouanez er rouantelezh c'hall : Marie de Médicis hag Anne d'Autriche dreist-holl, Marie-Antoinette, ivez, hep kontañ ar ribitailh priñsezed.

Evit doare e oa stank ar merc'hed anvet Marianne e dibenn an XVIIIvet kantved e-touez ar bobl vunut, ha dreist-holl war a seblant e-touez ar merc'hed diwar ar maez deuet da labourat e kêr evel mitizhien e ti ar vourc'hizien.

Lavaret ez eus bet e oa deuet da vout un arouez republikan gant ar ganaouenn dispac'hel okitanek la Garisou de Marianno (Pareadenn Marianna) savet e 1792 gant ar barzh-kere Guillaume Lavabre, eus Puylaurens, en Tarn[1].

  1. ↑ La Marianne, une image libre de droits
From Wikipedia, the free encyclopedia · View on Wikipedia

Developed by Nelliwinne